Дигитално мени во Скопје: колку чини и што добивате

Ако водите ресторан, кафуле или бар во Скопје и размислувате за дигитално мени, најчестото прашање не е „како работи“ туку „колку чини и дали вреди“. Еве директен одговор, без маркетинг.

Колку чини дигитално мени

Кај нас дигиталното мени чини 13 € месечно или 156 € годишно. Тоа ги вклучува QR кодовите за масите, самото мени на телефон, неограничени промени на производи и цени, и слики за секој производ.

За споредба, печатењето на 30 менија во Скопје чини околу 3.000–6.000 денари, зависно од квалитетот на хартијата и корицата. Тоа е еднократен трошок — но само додека не смените цена. Секоја промена значи ново печатење.

Пресметката е едноставна: ако менувате цени или сезонска понуда двапати годишно, печатењето веќе ве чини повеќе од дигиталното мени, а немате ниту една од другите предности.

Што влегува во цената, а што не

Ова е местото каде што повеќето понудувачи се нејасни, па да бидеме конкретни.

Влегува во 13 €:

• QR кодови за сите маси, без ограничување на бројот
• Неограничени производи и категории
• Промена на цени и достапност во реално време
• Слики на производите
• Мени на повеќе јазици

Не влегува во 13 €: нарачување од масата преку QR кодот. Тоа е одделна работа — гостинот не само што го гледа менито, туку и нарачува од телефон, а нарачката оди директно во кујна и на сметката на таа маса. Тоа е дел од пакетот Pro (59 € месечно), заедно со POS системот, админ панелот, апликацијата за келнери и киоскот за самопослужување.

Ако ви треба каса, извештаи и апликација за келнери, но не и нарачување од масата, средниот пакет Standard е 39 € месечно.

Ја пишуваме оваа разлика јасно затоа што е најчестата причина за разочарување кога некој ќе купи „дигитално мени“ и потоа ќе открие дека нарачувањето е доплата.

За колку време се поставува

Ако имате мени во Excel или Word, поставувањето трае еден работен ден. Ако го имате само на хартија или како слика, потребно е внесување — обично два до три дена, зависно од бројот на производи.

Не ви треба нов хардвер за дигитално мени. Работи на телефонот на гостинот. Хардвер е потребен само ако одите на POS систем.

Што реално се менува во објектот

Три работи, по редослед на тоа колку брзо ги забележувате:

Промена на цена трае секунди. Ова е првото што сите го забележуваат. Поскапе кафето, го менувате на едно место, важи на сите маси веднаш.

Помалку прашања „што имате од…“. Кога менито има слики и опис, гостите прашуваат помалку, а келнерите одговараат помалку. Тоа е време што се враќа во послужување.

Гледате што се продава. Дигиталното мени покажува кои производи најмногу се разгледуваат. Понекогаш производ што мислите дека е популарен, никој не го отвора — и тоа е податок што на хартија го немате.

Кога дигитално мени не ви треба

Ќе бидеме искрени, затоа што полесно е да продадеме на некој што реално има корист:

• Ако имате осум производи на табла зад шанкот, дигитализацијата решава проблем што го немате.
• Ако мнозинството гости се над 60 години, скенирањето станува пречка наместо погодност.
• Ако сигналот во објектот е слаб, прво решете го тоа. QR менито бара мрежа.
• Ако не менувате цени и мени со години, хартијата е поевтина.

Работиме и надвор од Скопје

Најголем дел од нашите клиенти се во Скопје, но системот работи низ цела Македонија — поставувањето е далечинско, па локацијата не е ограничување. Меѓу објектите што го користат се Plaset, Starbar, Fish House Delfin, Athena, Lovah Caffe, Lokmades, Micasa, MyWay, Boen, Zaho, Parajsa e Sharrit и Sofra Grill.

Како да пробате

Ако сакате да видите како изгледа со вашето мени пред да платите што било, пишете ни — ќе го поставиме еден дел од вашето мени за да го видите на телефон.

Ако не сте сигурни дали ви треба само мени или целиот систем со каса, кажете ни колку маси имате и како сега земате нарачки. Ќе ви кажеме искрено ако мислиме дека помалиот пакет ви е доволен.